hujum-e-gardish-e-dauran hai kya ghazal kahiye
hujūm-e-gardish-e-daurāñ hai kyā ġhazal kahiye
dil-o-dimāġh pareshāñ hai kyā ġhazal kahiye
ye kis ne aag lagā dī guloñ ke dāman meñ
dhuāñ dhuāñ sā gulistāñ hai kyā ġhazal kahiye
jalā.e jaate haiñ ab ghar meñ āñsuoñ ke charāġh
ajiib jashn-e-charāġhāñ hai kyā ġhazal kahiye
ye sīTiyoñ kī sadā raat kā ye sannāTā
sukūt-e-shahr-e-ḳhamoshāñ hai kyā ġhazal kahiye
ghirā huā hai chaman narġha-e-siyāsat meñ
bahār sho.ala-ba-dāmāñ hai kyā ġhazal kahiye
jo 'rāz' mulk meñ amn-o-amāñ kī baat kare
ab us ke vāste zindāñ hai kyā ġhazal kahiye
hujum-e-gardish-e-dauran hai kya ghazal kahiye
dil-o-dimagh pareshan hai kya ghazal kahiye
ye kis ne aag laga di gulon ke daman mein
dhuan dhuan sa gulistan hai kya ghazal kahiye
jalae jate hain ab ghar mein aansuon ke charagh
ajib jashn-e-charaghan hai kya ghazal kahiye
ye siTiyon ki sada raat ka ye sannaTa
sukut-e-shahr-e-KHamoshan hai kya ghazal kahiye
ghira hua hai chaman nargha-e-siyasat mein
bahaar shoala-ba-daman hai kya ghazal kahiye
jo 'raaz' mulk mein amn-o-aman ki baat kare
ab us ke waste zindan hai kya ghazal kahiye
Source:
Rooh-e-Ghazal,Pachas Sala Intekhab (Pg. 210)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
