aashiqi mein hum ko ab tak mar khana yaad hai
aashiqi mein hum ko ab tak mar khana yaad hai
Masroor Shahjahanpuri
MORE BYMasroor Shahjahanpuri
āshiqī meñ ham ko ab tak maar khānā yaad hai
jism par chūnā kabhī haldī lagānā yaad hai
ishq meñ un ke piTe the ham jahāñ pahle pahal
muddateñ guzrīñ par ab tak vo Thikānā yaad hai
tiin din tak ḳhauf ke maare chhupe the jis jagah
us jagah banñe ko thā ik ġhusl-ḳhāna yaad hai
pahle aa ke un ke daddy ne bhañbhoḌā thā hameñ
aur phir kutte kā ham ko kaaT khānā yaad hai
un kī ammī ho chalīñ thiiñ rafta rafta ham-ḳhayāl
haañ magar abbā kā un ke varġhalānā yaad hai
taak kar gillā chalāyā thā jo un kī aañkh par
un ke abbā ko mirā ab tak nishāna yaad hai
sharbat-e-dīdār kī thiiñ chuskiyāñ sab ke liye
band thā 'masrūr' par hī āb-o-dāna yaad hai
aashiqi mein hum ko ab tak mar khana yaad hai
jism par chuna kabhi haldi lagana yaad hai
ishq mein un ke piTe the hum jahan pahle pahal
muddaten guzrin par ab tak wo Thikana yaad hai
tin din tak KHauf ke mare chhupe the jis jagah
us jagah banne ko tha ek ghusl-KHana yaad hai
pahle aa ke un ke daddy ne bhanbhoDa tha hamein
aur phir kutte ka hum ko kaT khana yaad hai
un ki ammi ho chalin thin rafta rafta ham-KHayal
han magar abba ka un ke warghalana yaad hai
tak kar gilla chalaya tha jo un ki aankh par
un ke abba ko mera ab tak nishana yaad hai
sharbat-e-didar ki thin chuskiyan sab ke liye
band tha 'masrur' par hi aab-o-dana yaad hai
Source:
(Pg. 202)
- Author: Masroor Shahjahanpuri
-
- Publisher: M. R. Publications, New Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
