hushyari ka mol chukata rahta hun
hushyārī kā mol chukātā rahtā huuñ
nā-dānoñ se dhoke khātā rahtā huuñ
le aatā huuñ har rishte ko jhagḌe tak
phir jhagḌe se kaam chalātā rahtā huuñ
lashkar meñ ik kaam mire zimme bhī hai
sab ko ghar kī yaad dilātā rahtā huuñ
dekho us ko kab fursat ho milne kī
jis ke liye maiñ saal bachātā rahtā huuñ
achchhī-ḳhāsī duniyā dekhī hai maiñ ne
kamre se dālān meñ aatā rahtā huuñ
hushyari ka mol chukata rahta hun
na-danon se dhoke khata rahta hun
le aata hun har rishte ko jhagDe tak
phir jhagDe se kaam chalata rahta hun
lashkar mein ek kaam mere zimme bhi hai
sab ko ghar ki yaad dilata rahta hun
dekho us ko kab fursat ho milne ki
jis ke liye main sal bachata rahta hun
achchhi-KHasi duniya dekhi hai main ne
kamre se dalan mein aata rahta hun
- Book : Dukh Naye Kapde Badal Kar (Pg. 54)
- Author :Shariq Kaifi
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
