ek chah ki nigah ka afsana ban gaya

ik chaah kī nigāh kā afsāna ban gayā

vo uñgliyāñ uThīñ ki maiñ dīvāna ban gayā

apne hī dil kī baat hai apne kiye kī laaj

kā'ba banā rahā thā maiñ but-ḳhāna ban gayā

allah-re bazm-e-nāz tirī nā-shanāsiyāñ

jis ko kiyā salām vo begāna ban gayā

chupke se un kā naam liyā dil se baat kī

ye kaun sun rahā thā ki afsāna ban gayā

ḳhallāq-e-husn-o-ishq baḌā dil-navāz hai

taḳhlīq-e-sham.a hote hī parvāna ban gayā

duniyā ke taḳht-o-tāj 'razā' Thokaroñ pe haiñ

kyā chiiz apnā ThāTh faqīrāna ban gayā

ek chah ki nigah ka afsana ban gaya

wo ungliyan uThin ki main diwana ban gaya

apne hi dil ki baat hai apne kiye ki laj

ka'ba bana raha tha main but-KHana ban gaya

allah-re bazm-e-naz teri na-shanasiyan

jis ko kiya salam wo begana ban gaya

chupke se un ka nam liya dil se baat ki

ye kaun sun raha tha ki afsana ban gaya

KHallaq-e-husn-o-ishq baDa dil-nawaz hai

taKHliq-e-shama hote hi parwana ban gaya

duniya ke taKHt-o-taj 'raza' Thokaron pe hain

kya chiz apna ThaTh faqirana ban gaya