ek daman mein phul bhare hain ek daman mein aag hi aag
ek daman mein phul bhare hain ek daman mein aag hi aag
Shiv Ratan Lal Barq Punchhwi
MORE BYShiv Ratan Lal Barq Punchhwi
ik dāman meñ phuul bhare haiñ ik dāman meñ aag hī aag
ye hai apnī apnī qismat ye haiñ apne apne bhaag
raah kaThin hai duur hai manzil vaqt bachā hai thoḌā sā
ab to sūraj aa gayā sar par sone vaale ab to jaag
piirī meñ to ye sab bāteñ zāhid achchhī lagtī haiñ
zikr-e-ibādat bharī javānī meñ jaise be-vaqt kā raag
auroñ par ilzām-tarāshī fitrat hai ham logoñ kī
sach pūchho to paal rakhe haiñ ham ne ḳhud zahrīle naag
yahīñ paḌe rah jā.eñge sab maal ḳhazāne dhan-daulat
maut paḌī hai tere pīchhe bhaag sake tū jitnā bhaag
hirs-o-havā kī is duniyā se bach ke raho to achchhā hai
behtar hai shīrāz kī dāvat se bas rūkhī roTī saag
ek daman mein phul bhare hain ek daman mein aag hi aag
ye hai apni apni qismat ye hain apne apne bhag
rah kaThin hai dur hai manzil waqt bacha hai thoDa sa
ab to suraj aa gaya sar par sone wale ab to jag
piri mein to ye sab baaten zahid achchhi lagti hain
zikr-e-ibaadat bhari jawani mein jaise be-waqt ka rag
auron par ilzam-tarashi fitrat hai hum logon ki
sach puchho to pal rakhe hain hum ne KHud zahrile nag
yahin paDe rah jaenge sab mal KHazane dhan-daulat
maut paDi hai tere pichhe bhag sake tu jitna bhag
hirs-o-hawa ki is duniya se bach ke raho to achchha hai
behtar hai shiraaz ki dawat se bas rukhi roTi sag
Source:
Barq-o-Sharar (Pg. 13)
- Author: Dr. Barq Poonchvi
-
- Edition: 2005
- Publisher: Swaraj Publication
- Year of Publication: 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
