ek dhanak ko dhundh karne ka chala kaisa chalan

ik dhanak ko dhundh karne kā chalā kaisā chalan

dekh to ḳhud ko zarā vibgyor hai puurā badan

hai ye tauhīn-e-chaman gar ek do hī rang hoñ

muḳhtalif rangoñ ke phūloñ se hai tauqīr-e-chaman

ye badan vaisā nahīñ hai vo badan aisā nahīñ

hai nadārad dil hī jis se vo kaho kaisā badan

dost honā hai ravā mahbūb honā nā-ravā

ek āñkhoñ kī hai ThanDak ek āñkhoñ kī chubhan

pyaar se hai tum ko nafrat nafratoñ se pyaar hai

ulTā hai dastūr añdherā ḳhud ko kahtā hai kiran

aag sīnoñ meñ rahe bas bahs ye bekār hai

surḳh kis kī aag hai aur niilī hai kis kī agan

jab usī ne hai banāyā ye jahāñ sab ke liye

lab duā meñ lab pe rakkho ho magan gaao bhajan

ek duuje ko na māreñ ye barahman aur shaiḳh

ek duuje par jo mar jaa.eñ ye shaiḳh-o-barhaman

ab nahīñ yuuñ zindagī se rang chhīne jā.eñge

faḳhr se indardhanush ke hai buland apnā gagan

ek dhanak ko dhundh karne ka chala kaisa chalan

dekh to KHud ko zara wibgyor hai pura badan

hai ye tauhin-e-chaman gar ek do hi rang hon

muKHtalif rangon ke phulon se hai tauqir-e-chaman

ye badan waisa nahin hai wo badan aisa nahin

hai nadarad dil hi jis se wo kaho kaisa badan

dost hona hai rawa mahbub hona na-rawa

ek aankhon ki hai ThanDak ek aankhon ki chubhan

pyar se hai tum ko nafrat nafraton se pyar hai

ulTa hai dastur andhera KHud ko kahta hai kiran

aag sinon mein rahe bas bahs ye bekar hai

surKH kis ki aag hai aur nili hai kis ki agan

jab usi ne hai banaya ye jahan sab ke liye

lab dua mein lab pe rakkho ho magan gao bhajan

ek duje ko na maren ye barahman aur shaiKH

ek duje par jo mar jaen ye shaiKH-o-barhaman

ab nahin yun zindagi se rang chhine jaenge

faKHr se indardhanush ke hai buland apna gagan