ek nau-bahaar-e-naz ko mehman karenge hum

ik nau-bahār-e-nāz ko mehmāñ kareñge ham

har dāġh-e-dil ko rashk-e-gulistāñ kareñge ham

sāġhar meñ nūr-e-dīda-e-anjum uñDel kar

phir tīrgī-e-ġham meñ charāġhāñ kareñge ham

uḌ jā.eñgī fazā meñ bahāroñ kī dhajjiyāñ

jis vaqt taar taar garebāñ kareñge ham

kahte haiñ āsmāñ pe vo zulfeñ bikher kar

jhulsī huī zamīn pe ehsāñ kareñge ham

jī bhar ke ham ko kar le pareshān āsmāñ

ik roz āsmāñ ko pareshāñ kareñge ham

ai vaqt san ki aa.egā jab bhī hamārā vaqt

tūfāñ ko mauj mauj ko tūfāñ kareñge ham

jab tak hamāre sāmne jām-e-sharāb hai

barham mizāj-e-gardish-e-daurāñ kareñge ham

vo aarzū ki dil se zabāñ tak na aa sake

kuchh is kā tazkira bhī mirī jaañ kareñge ham

duur ḳhizāñ se koī kahe jā ke a 'majīd'

phir ehtimām-e-jashn-e-bahārāñ kareñge ham

ek nau-bahaar-e-naz ko mehman karenge hum

har dagh-e-dil ko rashk-e-gulistan karenge hum

saghar mein nur-e-dida-e-anjum unDel kar

phir tirgi-e-gham mein charaghan karenge hum

uD jaengi faza mein bahaaron ki dhajjiyan

jis waqt tar tar gareban karenge hum

kahte hain aasman pe wo zulfen bikher kar

jhulsi hui zamin pe ehsan karenge hum

ji bhar ke hum ko kar le pareshan aasman

ek roz aasman ko pareshan karenge hum

ai waqt san ki aaega jab bhi hamara waqt

tufan ko mauj mauj ko tufan karenge hum

jab tak hamare samne jam-e-sharab hai

barham mizaj-e-gardish-e-dauran karenge hum

wo aarzu ki dil se zaban tak na aa sake

kuchh is ka tazkira bhi meri jaan karenge hum

dur KHizan se koi kahe ja ke a 'majid'

phir ehtimam-e-jashn-e-bahaaran karenge hum