اک رات بخت سوں میں رنداں کا سات پایا
اک رات بخت سوں میں رنداں کا سات پایا
عرفاں کے ملک دیں پر حق سوں برات پایا
من عرف نفسہ کا انجن لگا کو دیکھا
ہر چیز ذات حق بن میں بے ثبات پایا
یو نفس دوں ہوا سوں پکڑے لیا تھا میری
مرشد کی کفش اٹھائیں اس سوں نجات پایا
یو قول و فعل میرا مجھ اختیار سوں نیں
ہت پنج مات کی میں آپس کی ذات پایا
تسلیم کر اپس کوں اس کی رضا کے اوپر
محبوب کا اپس پر نت التفات پایا
جا بت کدے میں دیکھا چشم یگانگی سوں
حق بن نہیں دسیا گر عزیٰ و لات پایا
اسم و صفت کا جلوہ اسم و صفت میں دیکھا
ہر ذات کوں خدا کی میں عین ذات پایا
قطرہ ہے عین دریا دریا ہے عین قطرہ
بھی دونوں غیر ہی ہیں نادر یو بات پایا
ہر شے ہے عین ہر شے بھی شے ہے غیر ہر شے
مرشد کے لطف سوں میں کیا خوب بات پایا
مہتاب علم سلگا گل ریز معرفت کے
کر جہل کو ہوائی خوش شبرات پایا
روں روں زباں کروں تو اس کی ثنا نہ سر سی
قربیؔ کرم سوں حق کی کیا خوش نکات پایا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
