ek shakl be-irada sar-e-baam aa gai

ik shakl be-irāda sar-e-bām aa ga.ī

phir zindagī meñ faisle kī shaam aa ga.ī

dasht o makāñ ke fāsle be-rañg-o-nūr the

ik rañg le ke gardish-e-ayyām aa ga.ī

vo rahguzar jo aa.ī to sar ko sajā liyā

dāman kī ḳhaak aaj mire kaam aa ga.ī

phir ik hisār TuuT gayā iḳhtiyār kā

phir ik sadā-e-kūcha-e-ilzām aa ga.ī

ham bolte rahe to rahe lafz sañg-e-rāh

chup ho ga.e to manzil-e-ilhām aa ga.ī

'sābir' zamīñ pe rañj bhī us ne utāre haiñ

lekin ye fard-e-jurm mire naam aa ga.ī

ek shakl be-irada sar-e-baam aa gai

phir zindagi mein faisle ki sham aa gai

dasht o makan ke fasle be-rang-o-nur the

ek rang le ke gardish-e-ayyam aa gai

wo rahguzar jo aai to sar ko saja liya

daman ki KHak aaj mere kaam aa gai

phir ek hisar TuT gaya iKHtiyar ka

phir ek sada-e-kucha-e-ilzam aa gai

hum bolte rahe to rahe lafz sang-e-rah

chup ho gae to manzil-e-ilham aa gai

'sabir' zamin pe ranj bhi us ne utare hain

lekin ye fard-e-jurm mere nam aa gai