aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek tilism-e-ajab-numa hun main

Dattatriya Kaifi

ek tilism-e-ajab-numa hun main

Dattatriya Kaifi

MORE BYDattatriya Kaifi

    ik tilism-e-ajab-numā huuñ maiñ

    kyā batā.ūñ tumheñ ki kyā huuñ maiñ

    hai zavāl apnā ik nishān-e-kamāl

    bado tarah ghaT gayā huuñ maiñ

    kyā nishāñ pūchhte ho tum merā

    rah-e-gum-gashta patā huuñ maiñ

    hai ye hairat ki huuñ tajassum-e-dard

    aur har dard davā huuñ maiñ

    merī shohrat hai merī gumnāmī

    quvvat-e-bāzū-e-humā huuñ maiñ

    rah-e-ulfat meñ naqsh-e-pā tarah

    ḳhaak ho ho ke miT gayā huuñ maiñ

    sāġhar-e-ishq kar gayā be-ḳhud

    hosh kis ko nahīñ huuñ huuñ maiñ

    ḳhaak samjho tum aabrū merī

    dard-e-e.azāz bahā huuñ maiñ

    dam ġhanīmat hai sāliko merā

    jaras-e-daur sadā huuñ maiñ

    huuñ surāhī meñ bāda-e-ahmar

    aur mai-e-surḳh meñ nasha huuñ maiñ

    jis tarah se kañval ho paanī meñ

    ho ke duniyā meñ phir judā huuñ maiñ

    ḳhāksārī hai merī jauhar-e-zāt

    ḳhaak meñ misl-e-kīmiyā huuñ maiñ

    dur durj-e-vafā aab huuñ maiñ

    dil ke ā.īne safā huuñ maiñ

    aaj hai merī dhaak aalam meñ

    rū-shanās-e-shah-o-gadā huuñ maiñ

    dhuum hai fann-e-sher meñ merī

    qamar-e-ilm ziyā huuñ maiñ

    likhūñ gar dāstān-e-ranj-o-alam

    dil-e-ba-shikasta sadā huuñ maiñ

    gar karūñ zikr-e-sāz-e-aish-o-tarab

    tūtī-e-ḳhuld navā huuñ maiñ

    gar maiñ likkhūñ bayān-e-arsa-e-razm

    nāvak-e-tarkash qazā huuñ maiñ

    ek is nazm par hai kyā mauqūf

    nuur sham-e-ulūm huuñ maiñ

    qadr hai merī qadr-e-ilm-o-hunar

    kyā zamāne meñ dūsrā huuñ maiñ

    huuñ to sab kuchh pe kuchh nahīñ 'kaifī'

    sūrat-e-mauja-e-fanā huuñ maiñ

    ek tilism-e-ajab-numa hun main

    kya bataun tumhein ki kya hun main

    hai zawal apna ek nishan-e-kamal

    bado ki tarah ghaT gaya hun main

    kya nishan puchhte ho tum mera

    rah-e-gum-gashta ka pata hun main

    hai ye hairat ki hun tajassum-e-dard

    aur har dard ki dawa hun main

    meri shohrat hai meri gumnami

    quwwat-e-bazu-e-huma hun main

    rah-e-ulfat mein naqsh-e-pa ki tarah

    KHak ho ho ke miT gaya hun main

    saghar-e-ishq kar gaya be-KHud

    hosh kis ko nahin hun ya hun main

    KHak samjho tum aabru meri

    dard-e-eazaz ki baha hun main

    dam ghanimat hai saliko mera

    jaras-e-daur ki sada hun main

    hun surahi mein baada-e-ahmar

    aur mai-e-surKH mein nasha hun main

    jis tarah se kanwal ho pani mein

    ho ke duniya mein phir juda hun main

    KHaksari hai meri jauhar-e-zat

    KHak mein misl-e-kimiya hun main

    dur durj-e-wafa ki aab hun main

    dil ke aaine ki safa hun main

    aaj hai meri dhak aalam mein

    ru-shanas-e-shah-o-gada hun main

    dhum hai fann-e-sher mein meri

    qamar-e-ilm ki ziya hun main

    likhun gar dastan-e-ranj-o-alam

    dil-e-ba-shikasta ki sada hun main

    gar karun zikr-e-saz-e-aish-o-tarab

    tuti-e-KHuld ki nawa hun main

    gar main likkhun bayan-e-arsa-e-razm

    nawak-e-tarkash qaza hun main

    ek is nazm par hai kya mauquf

    nur sham-e-ulum ka hun main

    qadr hai meri qadr-e-ilm-o-hunar

    kya zamane mein dusra hun main

    hun to sab kuchh pe kuchh nahin 'kaifi'

    surat-e-mauja-e-fana hun main

    Source:

    Waridat (Pg. 509)

    • Author: Dattatriya Kaifi
      • Edition: 1941
      • Publisher: Measures Ram Lal Soori and Son's, Anarkali, Lahore
      • Year of Publication: 1941
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now