isi liye to nahin kaTti raat aadmi ki

isī liye to nahīñ kaTtī raat aadmī kī

ḳhudā kī zaat se mushkil hai zaat aadmī kī

na.e ḳhayāl kī baaqī kahīñ jagah na rahe

vasī.a itnī na ho kā.enāt aadmī kī

ḳhudā kā bhī koī shāyad surāġh mil jaa.e

samajh lī jaa.e agar nafsiyāt aadmī kī

ḳhudā ne beach meñ aisā fasād barpā kiyā

adhūrī rah ga.ī duniyā se baat aadmī kī

alamiya sirf yahī hai yahī rahegā bhī

ḳhudā kā diin magar dīniyāt aadmī kī

ḳhudā ḳhud aisī jagah jān-būjh kar gayā hai

pahuñch sake na jahāñ koī baat aadmī kī

ham aur kuchh bhī raheñ haiñ purāne vaqtoñ meñ

ugal rahī hai zamīñ bāqiyāt aadmī kī

isi liye to nahin kaTti raat aadmi ki

KHuda ki zat se mushkil hai zat aadmi ki

nae KHayal ki baqi kahin jagah na rahe

wasia itni na ho kaenat aadmi ki

KHuda ka bhi koi shayad suragh mil jae

samajh li jae agar nafsiyat aadmi ki

KHuda ne beach mein aisa fasad barpa kiya

adhuri rah gai duniya se baat aadmi ki

alamiya sirf yahi hai yahi rahega bhi

KHuda ka din magar diniyat aadmi ki

KHuda KHud aisi jagah jaan-bujh kar gaya hai

pahunch sake na jahan koi baat aadmi ki

hum aur kuchh bhi rahen hain purane waqton mein

ugal rahi hai zamin baqiyat aadmi ki