aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

is apni kiran ko aati hui subhon ke hawale karna hai

Majeed Amjad

is apni kiran ko aati hui subhon ke hawale karna hai

Majeed Amjad

MORE BYMajeed Amjad

    is apnī kiran ko aatī huī sub.hoñ ke havāle karnā hai

    kāñToñ se ulajh kar jiinā hai phūloñ se lipaT kar marnā hai

    shāyad vo zamāna lauT aa.e shāyad vo palaT kar dekh bhī leñ

    in ujḌī ujḌī nazroñ meñ phir koī fasāna bharnā hai

    ye soz-e-darūñ ye ashk-e-ravāñ ye kāvish-e-hastī kyā kahiye

    marte haiñ ki kuchh din leñ ham jiite haiñ ki āḳhir marnā hai

    ik shahr-e-vafā ke band darīche āñkheñ mīche sochte haiñ

    kab qāfila-hā-e-ḳhanda-e-gul ko in rāhoñ se guzarnā hai

    is niilī dhund meñ kitne bujhte zamāne raakh bikher ga.e

    ik pal palak par duniyā hai kyā jiinā hai kyā marnā hai

    rastoñ pe añdhere phail ga.e ik manzil-e-ġham tak shaam huī

    ai ham-safaro kyā faisla hai ab chalnā hai ki Thaharnā hai

    har haal meñ ik shorīdgī-e-afsūn-e-tamannā baaqī hai

    ḳhvāboñ ke bhañvar meñ bah kar bhī ḳhvāboñ ke ghaaT utarnā hai

    is apni kiran ko aati hui subhon ke hawale karna hai

    kanTon se ulajh kar jina hai phulon se lipaT kar marna hai

    shayad wo zamana lauT aae shayad wo palaT kar dekh bhi len

    in ujDi ujDi nazron mein phir koi fasana bharna hai

    ye soz-e-darun ye ashk-e-rawan ye kawish-e-hasti kya kahiye

    marte hain ki kuchh din ji len hum jite hain ki aaKHir marna hai

    ek shahr-e-wafa ke band dariche aankhen miche sochte hain

    kab qafila-ha-e-KHanda-e-gul ko in rahon se guzarna hai

    is nili dhund mein kitne bujhte zamane rakh bikher gae

    ek pal ki palak par duniya hai kya jina hai kya marna hai

    raston pe andhere phail gae ek manzil-e-gham tak sham hui

    ai ham-safaro kya faisla hai ab chalna hai ki Thaharna hai

    har haal mein ek shoridgi-e-afsun-e-tamanna baqi hai

    KHwabon ke bhanwar mein bah kar bhi KHwabon ke ghaT utarna hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now