aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

is dil ko kya kahen ki jidhar tha udhar na tha

Sajjad Baqar Rizvi

is dil ko kya kahen ki jidhar tha udhar na tha

Sajjad Baqar Rizvi

MORE BYSajjad Baqar Rizvi

    is dil ko kyā kaheñ ki jidhar thā udhar na thā

    thā jis pe e.atibār vahī mo'atabar na thā

    the raah meñ hazār koī raah par na thā

    hamrāh to bahut the koī ham-safar na thā

    ahl-e-havas tamām the āġhosh kiye

    par apnī tarah ek bhī sīna-sipar na thā

    parvāz thī fazā-e-zamān-o-makāñ se duur

    maiñ be-niyāz-e-dahr thā be-bāl-o-par na thā

    har-sū basī huī thī magar DhūñDte kahāñ

    ḳhushbū koī rañg na thā koī ghar na thā

    apnī kuchh kamī thī jo nākām ham hue

    dil kār-band-e-shauq to thā kār-gar na thā

    'bāqar' havā-e-shauq uḌaa.e phirī mujhe

    maiñ ḳhānumāñ-ḳharāb sahī dar-ba-dar na thā

    is dil ko kya kahen ki jidhar tha udhar na tha

    tha jis pe eatibar wahi mo'atabar na tha

    the rah mein hazar koi rah par na tha

    hamrah to bahut the koi ham-safar na tha

    ahl-e-hawas tamam the aaghosh wa kiye

    par apni tarah ek bhi sina-sipar na tha

    parwaz thi faza-e-zaman-o-makan se dur

    main be-niyaz-e-dahr tha be-baal-o-par na tha

    har-su basi hui thi magar DhunDte kahan

    KHushbu ka koi rang na tha koi ghar na tha

    apni hi kuchh kami thi jo nakaam hum hue

    dil kar-band-e-shauq to tha kar-gar na tha

    'baqar' hawa-e-shauq uDae phiri mujhe

    main KHanuman-KHarab sahi dar-ba-dar na tha

    Source:

    Kulliyat-e-Baqir (Pg. 249)

    • Author: Sajjad Baqir Rizvi
      • Edition: 2010
      • Publisher: Sayyed Mohammad Ali Anjum Rizvi
      • Year of Publication: 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now