aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

is khurduri ghazal ko na yun munh bana ke dekh

Muzaffar Hanfi

is khurduri ghazal ko na yun munh bana ke dekh

Muzaffar Hanfi

MORE BYMuzaffar Hanfi

    is khurdurī ġhazal ko na yuuñ muñh banā ke dekh

    kis haal meñ likhī hai mire paas aa ke dekh

    vo din havā hue ki bichhāte the jaan o dil

    ab ek baar aur hameñ muskurā ke dekh

    parda paḌā huā hai tabassum ke raaz par

    phūloñ se os aañkh se aañsū girā ke dekh

    ye dopahar bhī aa.ī hai parchhā.iyoñ ke saath

    vaise nazar na aa.eñ to mash.al jalā ke dekh

    gulchīñ ne jab tamām shagūfoñ ko chun liyā

    kāñTe pukār uThe ki hameñ aazmā ke dekh

    merā ham-safar hai to phir mere saath chal

    hai rāhzan to naqsh-e-qadam rahnumā ke dekh

    apnī nazar se dekh barahna hayāt ko

    ā.ankhoñ se ye kitāb ainak haTā ke dekh

    az-rāh-e-ehtiyāt safar ko na ḳhatm kar

    ye phuul haiñ ki aag qadam to jamā ke dekh

    Thappa lagā huā hai 'muzaffar' ke naam

    us koī bhī sher kahīñ se uThā ke dekh

    is khurduri ghazal ko na yun munh bana ke dekh

    kis haal mein likhi hai mere pas aa ke dekh

    wo din hawa hue ki bichhate the jaan o dil

    ab ek bar aur hamein muskura ke dekh

    parda paDa hua hai tabassum ke raaz par

    phulon se os aankh se aansu gira ke dekh

    ye dopahar bhi aai hai parchhaiyon ke sath

    waise nazar na aaen to mashal jala ke dekh

    gulchin ne jab tamam shagufon ko chun liya

    kanTe pukar uThe ki hamein aazma ke dekh

    tu mera ham-safar hai to phir mere sath chal

    hai rahzan to naqsh-e-qadam rahnuma ke dekh

    apni nazar se dekh barahna hayat ko

    aaankhon se ye kitab ki ainak haTa ke dekh

    az-rah-e-ehtiyat safar ko na KHatm kar

    ye phul hain ki aag qadam to jama ke dekh

    Thappa laga hua hai 'muzaffar' ke nam ka

    us ka koi bhi sher kahin se uTha ke dekh

    Source:

    kamaan (Pg. 230)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now