isko aankhon pe war den aankhen

is kī āñkhoñ pe vaar deñ āñkheñ

ik nazar hī meñ haar deñ āñkheñ

dil mujhe us ne be-qarār diyā

aur be-iḳhtiyār diiñ āñkheñ

pahle chehra chhupā liyā us ne

ba.ad meñ ishtihār diiñ āñkheñ

dil vahīñ rah gayā jahāñ ham ne

sarsarī sī guzār diiñ āñkheñ

ḳhvāb mere churā liye us ne

jis ko maiñ ne udhār diiñ āñkheñ

maiñ ne āñkhoñ meñ jhāñknā chāhā

us ne dil meñ utaar diiñ āñkheñ

maiñ to ḳhāmosh hī rahā lekin

vaqt-e-ruḳhsat pukār diiñ āñkheñ

tū bhī 'momin' kamāl kartā hai

tū ne sūraj se chaar diiñ āñkheñ

is ki aankhon pe war den aankhen

ek nazar hi mein haar den aankhen

dil mujhe us ne be-qarar diya

aur be-iKHtiyar din aankhen

pahle chehra chhupa liya us ne

baad mein ishtihaar din aankhen

dil wahin rah gaya jahan hum ne

sarsari si guzar din aankhen

KHwab mere chura liye us ne

jis ko main ne udhaar din aankhen

main ne aankhon mein jhankna chaha

us ne dil mein utar din aankhen

main to KHamosh hi raha lekin

waqt-e-ruKHsat pukar din aankhen

tu bhi 'momin' kamal karta hai

tu ne suraj se chaar din aankhen