is samay koi nahin meri nigahbani par

is samay koī nahīñ merī nigahbānī par

ye ghaḌī saḳht kaḌī hai tire zindānī par

bā-ḳhabar kar ke rah-e-ishq kī mushkil se tujhe

faisla chhoḌ diyā hai tirī āsānī par

na havā aur na miTTī pe kabhī ho paayā

jo bharosā hai mujhe bahte hue paanī par

maiñ abhī pahle ḳhasāre se nahīñ niklā huuñ

phir bhī tayyār hai dil dūsrī nādānī par

kisī bhī vaqt badal saktā hai lamha koī

is qadar ḳhush bhī na ho merī pareshānī par

ḳhatm hone ko haiñ ashkoñ ke zaḳhīre bhī 'jamāl'

ro.e kab tak koī is shahr kī vīrānī par

is samay koi nahin meri nigahbani par

ye ghaDi saKHt kaDi hai tere zindani par

ba-KHabar kar ke rah-e-ishq ki mushkil se tujhe

faisla chhoD diya hai teri aasani par

na hawa aur na miTTi pe kabhi ho paya

jo bharosa hai mujhe bahte hue pani par

main abhi pahle KHasare se nahin nikla hun

phir bhi tayyar hai dil dusri nadani par

kisi bhi waqt badal sakta hai lamha koi

is qadar KHush bhi na ho meri pareshani par

KHatm hone ko hain ashkon ke zaKHire bhi 'jamal'

roe kab tak koi is shahr ki virani par