is tarah humne sar-e-dar bhi sardari ki

is tarah ham ne sar-e-dār bhī sardārī kī

ashk roke hue hañsne kī adākārī kī

shaam kī baat pe āñkhoñ kā chhalaknā ma.amūl

kaifiyat ḳhud pe zabardastī nahīñ taarī kī

saañs lene kī ye tartīb huī tere baad

raat ko nauha paḌhā din ko azā-dārī kī

maslahat jaan ke niklā thā kabhī ghar se maiñ

ghar ko phir lauT ke aaya huuñ samajhdārī kī

zābte ishq meñ bhūle haiñ safar karne ke

terā bhī bojh uThāyā hai kamar bhārī kī

haa.e afsos garebān na dekhā us ne

haa.e kam-zarf ne ġhairoñ kī taraf-dārī kī

'mīr' ke sher ne urdu ko jilā baḳhshī hai

aur 'ġhālib' ne mohabbat kī sanad jaarī kī

is tarah hum ne sar-e-dar bhi sardari ki

ashk roke hue hansne ki adakari ki

sham ki baat pe aankhon ka chhalakna mamul

kaifiyat KHud pe zabardasti nahin tari ki

sans lene ki ye tartib hui tere baad

raat ko nauha paDha din ko aza-dari ki

maslahat jaan ke nikla tha kabhi ghar se main

ghar ko phir lauT ke aaya hun samajhdari ki

zabte ishq mein bhule hain safar karne ke

tera bhi bojh uThaya hai kamar bhaari ki

hae afsos gareban na dekha us ne

hae kam-zarf ne ghairon ki taraf-dari ki

'mir' ke sher ne urdu ko jila baKHshi hai

aur 'ghaalib' ne mohabbat ki sanad jari ki