is tirgi mein sirf hamare hi pas hai
is tīrgī meñ sirf hamāre hī paas hai
vo karb jis pe sham'-e-hunar kī asaas hai
nafrat ke jangaloñ meñ muqayyad na kar mujhe
mujh ko to sirf pyaar kā māhaul raas hai
saaqī mire dahan meñ samundar uñDel de
barsoñ kā iztirāb hai sadiyoñ kī pyaas hai
shāyad milā nahīñ vo darīcha khulā huā
jhoñkā havā kā aaj baḌā bad-havās hai
milte haiñ ab kirā.e ke qātil galī galī
ab zindagī kā mol yahī sau pachās hai
'be-dil' kī ho qabā ki filistīniyoñ kī ho
is daur kā libās lahū kā libās hai
is tirgi mein sirf hamare hi pas hai
wo karb jis pe sham'-e-hunar ki asas hai
nafrat ke jangalon mein muqayyad na kar mujhe
mujh ko to sirf pyar ka mahaul ras hai
saqi mere dahan mein samundar unDel de
barson ka iztirab hai sadiyon ki pyas hai
shayad mila nahin wo daricha khula hua
jhonka hawa ka aaj baDa bad-hawas hai
milte hain ab kirae ke qatil gali gali
ab zindagi ka mol yahi sau pachas hai
'be-dil' ki ho qaba ki filistiniyon ki ho
is daur ka libas lahu ka libas hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
