is zindagi ne baKHshe jo tohfe ajib hain

is zindagī ne baḳhshe jo tohfe ajiib haiñ

pagDañDiyāñ haiñ duur tak raste ajiib haiñ

ab kho chuke ḳhulūs-o-mohabbat jahān se

chāhat vafā se duur haiñ rishte ajiib haiñ

samjhe nahīñ ḳhudārā ajab terā falsafa

ḳhush-rañg dikh rahe kyuuñ vo hote ajiib haiñ

samjhe bhī koī kaise batāo use zarā

is zindagī ke kitne hī chehre ajiib haiñ

rishtoñ kī kitnī uljhī haiñ zanjīr paañv meñ

har har qadam pe lagte ye pahre ajiib haiñ

is zindagi ne baKHshe jo tohfe ajib hain

pagDanDiyan hain dur tak raste ajib hain

ab kho chuke KHulus-o-mohabbat jahan se

chahat wafa se dur hain rishte ajib hain

samjhe nahin KHudara ajab tera falsafa

KHush-rang dikh rahe kyun wo hote ajib hain

samjhe bhi koi kaise batao use zara

is zindagi ke kitne hi chehre ajib hain

rishton ki kitni uljhi hain zanjir panw mein

har har qadam pe lagte ye pahre ajib hain