ise sauda use sauda ye diwana wo diwana

ise saudā use saudā ye dīvāna vo dīvāna

havā kyā mausam-e-gul kī junūñ-añgez hotī hai

are kam-baḳht inkār aur mai se mausam-e-gul meñ

burī itnī bhī zāhid ādat-e-parhez hotī hai

chhurī se pahle mujh ko tere ġhamze maar Dāleñge

kab aa.egī are jallād kab se tez hotī hai

'mubārak' bhī isī ḳhāk-e-azīm-ābād se uTThā

salāmat vo zamīñ yā-rab jo mardum-ḳhez hotī hai

ise sauda use sauda ye diwana wo diwana

hawa kya mausam-e-gul ki junun-angez hoti hai

are kam-baKHt inkar aur mai se mausam-e-gul mein

buri itni bhi zahid aadat-e-parhez hoti hai

chhuri se pahle mujh ko tere ghamze mar Dalenge

kab aaegi are jallad kab se tez hoti hai

'mubarak' bhi isi KHak-e-azim-abaad se uTTha

salamat wo zamin ya-rab jo mardum-KHez hoti hai