عشق ایسا عجیب دریا ہے
عشق ایسا عجیب دریا ہے
جو بنا ساحلوں کے بہتا ہے
مغتنم ہیں یہ چار لمحے بھی
پھر نہ ہم ہیں نہ یہ تماشا ہے
اے سرابوں میں گھومنے والے
دل کے اندر بھی ایک رستہ ہے
زندگی اک دکاں کھلونوں کی
وقت بگڑا ہوا سا بچہ ہے
اس بھری کائنات کے ہوتے
آدمی کس قدر اکیلا ہے
آئینے میں جو عکس ہے امجدؔ
کیوں کسی دوسرے کا لگتا ہے
مأخذ:
پاکستانی ادب-1994 (Pg. 131)
-
- ناشر: اکیڈمی ادبیات پاکستان، اسلام آباد
- سن اشاعت: 1994
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
