ishq ka afsana likh Dala faqat tahrir mein

'ishq kā afsāna likh Daalā faqat tahrīr meñ

ḳhvāb saare Dhal ga.e phir us kī hī tā'bīr meñ

aa.ina dekhūñ to terā 'aks hī dikhtā mujhe

'ishq terā Dhal gayā kyā merī bhī tasvīr meñ

tū jo ġhā.eb ho gayā phir bhī nazāre saath haiñ

kuchh to baaqī rah gayā hogā merī taqdīr meñ

naam jab bhī lab pe aayā dil ne ik āvāz dī

terī āvāzeñ yuuñ mil jaa.eñ mirī taqrīr meñ

maiñ thā yā terā asar thā farq ab baaqī nahīñ

ḳhud ko paayā jab nazar aayā tirī zanjīr meñ

raat bhar jaagā kiyā tujh ko hī sote dekh kar

chāñd bhī jaltā rahā terī hī to tāsīr meñ

'ishq ka afsana likh Dala faqat tahrir mein

KHwab sare Dhal gae phir us ki hi ta'bir mein

aaina dekhun to tera 'aks hi dikhta mujhe

'ishq tera Dhal gaya kya meri bhi taswir mein

tu jo ghaeb ho gaya phir bhi nazare sath hain

kuchh to baqi rah gaya hoga meri taqdir mein

nam jab bhi lab pe aaya dil ne ek aawaz di

teri aawazen yun mil jaen meri taqrir mein

main tha ya tera asar tha farq ab baqi nahin

KHud ko paya jab nazar aaya teri zanjir mein

raat bhar jaga kiya tujh ko hi sote dekh kar

chand bhi jalta raha teri hi to tasir mein