'ishq kā iḳhtitām karte haiñ
dil kā qissa tamām karte haiñ
qahr hai qatl-e-ām karte haiñ
tark turkī tamām karte haiñ
tāq-e-abrū se un ke dar-guzre
ham yahīñ se salām karte haiñ
shaiḳh us se panāh māñgte haiñ
barhaman raam raam karte haiñ
jauharī par tire dur-e-dandāñ
āb-o-dāna harām karte haiñ
ḳhatt-e-qismat paḌhā nahīñ jaatā
sirf mantiq tamām karte haiñ
yā ilāhī halāl hoñ vaa.iz
duḳht-e-raz harām karte haiñ
aap kī muñh lagī hai duḳhtar-e-raz
bāteñ hoñToñ se jaam karte haiñ
chalī duniyā se ham pa-e-uqbā
kuuch bhar maqām karte haiñ
apne dil par hai iḳhtiyār hameñ
mulk kā intizām karte haiñ
qābil-e-guftugū raqīb nahīñ
aap kis se kalām karte haiñ
raat bhar mere nāla-e-pur-dard
niiñd un kī harām karte haiñ
zulm hī ahmaqoñ kī muñh-zorī
tañg ye be-lagām karte haiñ
dil se rañg-e-duī miTāte haiñ
zaḳhm kā iltiyām karte haiñ
ai 'sabā' kyuuñ kisī kā dil toḌeñ
ka.abe kā ehtirām karte haiñ
'ishq ka iKHtitam karte hain
dil ka qissa tamam karte hain
qahr hai qatl-e-am karte hain
tark turki tamam karte hain
taq-e-abru se un ke dar-guzre
hum yahin se salam karte hain
shaiKH us se panah mangte hain
barhaman ram ram karte hain
jauhari par tere dur-e-dandan
aab-o-dana haram karte hain
KHatt-e-qismat paDha nahin jata
sirf mantiq tamam karte hain
ya ilahi halal hon waiz
duKHt-e-raz haram karte hain
aap ki munh lagi hai duKHtar-e-raz
baaten honTon se jam karte hain
chali duniya se hum pa-e-uqba
kuch bhar maqam karte hain
apne dil par hai iKHtiyar hamein
mulk ka intizam karte hain
qabil-e-guftugu raqib nahin
aap kis se kalam karte hain
raat bhar mere nala-e-pur-dard
nind un ki haram karte hain
zulm hi ahmaqon ki munh-zori
tang ye be-lagam karte hain
dil se rang-e-dui miTate hain
zaKHm ka iltiyam karte hain
ai 'saba' kyun kisi ka dil toDen
kabe ka ehtiram karte hain
Source:
Ghuncha-e-Arzu (Pg. 88)
-
Author:
Wazir Ali Saba Lakhnavi
-
- Edition: 1856
- Publisher: Matba Mohammadi, Lucnow
- Year of Publication: 1856
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.