ishq ki dastaras mein kuchh bhi nahin

ishq kī dastaras meñ kuchh bhī nahīñ

jān-e-man! mere bas meñ kuchh bhī nahīñ

ik tirī yaad kā tasalsul hai

aur tār-e-nafas meñ kuchh bhī nahīñ

rāzdār-e-bahār-e-rafta na ho

yuuñ to is ḳhār-o-ḳhas meñ kuchh bhī nahīñ

parvarish pā rahā hai naḳhl-e-ziyāñ

naf.a kyā is baras meñ kuchh bhī nahīñ

āḳhir-e-kār hārne ke sivā

iḳhtiyār-e-havas meñ kuchh bhī nahīñ

ishq par iḳhtiyār hai kis kā

fā.eda pesh-o-pas meñ kuchh bhī nahīñ

kis liye chal paḌā huuñ meñ 'sājid'

jab sadā-e-jaras meñ kuchh bhī nahīñ

ishq ki dastaras mein kuchh bhi nahin

jaan-e-man! mere bas mein kuchh bhi nahin

ek teri yaad ka tasalsul hai

aur tar-e-nafas mein kuchh bhi nahin

raazdar-e-bahaar-e-rafta na ho

yun to is KHar-o-KHas mein kuchh bhi nahin

parwarish pa raha hai naKHl-e-ziyan

nafa kya is baras mein kuchh bhi nahin

aaKHir-e-kar haarne ke siwa

iKHtiyar-e-hawas mein kuchh bhi nahin

ishq par iKHtiyar hai kis ka

faeda pesh-o-pas mein kuchh bhi nahin

kis liye chal paDa hun mein 'sajid'

jab sada-e-jaras mein kuchh bhi nahin