ishq ki sai-e-bad-anjam se Dar bhi na sake

ishq kī sa.i-e-bad-anjām se Dar bhī na sake

ham tirī chashm-e-ināyat se utar bhī na sake

tū na miltā magar allāh re mahrūmi-e-shauq

jiine vaale tirī ummīd meñ mar bhī na sake

barq se khelne tūfān pe hañsne vaale

aise Duube tire ġham meñ ki ubhar bhī na sake

husn ḳhud husn-e-mujassam se pashīmāñ uTThā

ā.īna le ke vo baiThe to sañvar bhī na sake

tishna-lab baiThe haiñ mai-ḳhāna-e-hastī meñ 'sahar'

dil vo TuuTā huā paimāna ki bhar bhī na sake

ishq ki sai-e-bad-anjam se Dar bhi na sake

hum teri chashm-e-inayat se utar bhi na sake

tu na milta magar allah re mahrumi-e-shauq

jine wale teri ummid mein mar bhi na sake

barq se khelne tufan pe hansne wale

aise Dube tere gham mein ki ubhar bhi na sake

husn KHud husn-e-mujassam se pashiman uTTha

aaina le ke wo baiThe to sanwar bhi na sake

tishna-lab baiThe hain mai-KHana-e-hasti mein 'sahar'

dil wo TuTa hua paimana ki bhar bhi na sake