ishq ko KHun-e-jigar ki hai talab kahte hain

ishq ko ḳhūn-e-jigar kī hai talab kahte haiñ

zaḳhm khāne ko vafāoñ kā adab kahte haiñ

husn kī dhuup meñ nikhrā huā phūloñ sā badan

dil ke luT jaane kā is ko hī sabab kahte haiñ

ḳhaak maltā hai falak aa ke mire qadmoñ kī

ḳhāksārī ko bulandī kā laqab kahte haiñ

vo bhī lahrā ke har ik dard sunā kartī hai

qaid kā vāqi.a zanjīr se jab kahte haiñ

tum ye maano ki na maano hai tumhārī marzī

ishq ko daan sahī jiine ko Dhab kahte haiñ

dil meñ tūfāñ jo chhupā.e ho chhupā.e rakkho

saarā afsāna larazte hue lab kahte haiñ

tum divāne ho ye sach hai ise taslīm karo

ham nahīñ kahte faqat shahr meñ sab kahte haiñ

in ko dekhūñ to inheñ merī nazar lag jaa.e

aisā hotā hai kahīñ aap ġhazab kahte haiñ

dil jo rotā hai use gaate hue nikle 'nadīm'

log is dard-e-mohabbat ko adab kahte haiñ

ishq ko KHun-e-jigar ki hai talab kahte hain

zaKHm khane ko wafaon ka adab kahte hain

husn ki dhup mein nikhra hua phulon sa badan

dil ke luT jaane ka is ko hi sabab kahte hain

KHak malta hai falak aa ke mere qadmon ki

KHaksari ko bulandi ka laqab kahte hain

wo bhi lahra ke har ek dard suna karti hai

qaid ka waqia zanjir se jab kahte hain

tum ye mano ki na mano hai tumhaari marzi

ishq ko dan sahi jine ko Dhab kahte hain

dil mein tufan jo chhupae ho chhupae rakkho

sara afsana larazte hue lab kahte hain

tum diwane ho ye sach hai ise taslim karo

hum nahin kahte faqat shahr mein sab kahte hain

in ko dekhun to inhen meri nazar lag jae

aisa hota hai kahin aap ghazab kahte hain

dil jo rota hai use gate hue nikle 'nadim'

log is dard-e-mohabbat ko adab kahte hain