ishq mein kab ye zaruri hai ki roya jae

ishq meñ kab ye zarūrī hai ki royā jaa.e

ye nahīñ dāġh-e-nadāmat jise dhoyā jaa.e

dopahar hijr kī taptī huī sar par hai khaḌī

vasl kī raat ko shikvoñ meñ na khoyā jaa.e

uljhe ab panja-e-vahshat na garebānoñ se

aaj use sīna-a-a.adā meñ gaḌoyā jaa.e

ek hī ghūñT sahī aaj to pī le zāhid

kuchh na kuchh zohd kī ḳhushkī ko samoyā jaa.e

jitne bhī daaġh ra.ūnat ke haiñ dhul jā.eñge

hauz-e-mai meñ tujhe shaiḳh aaj Duboyā jaa.e

ishq mein kab ye zaruri hai ki roya jae

ye nahin dagh-e-nadamat jise dhoya jae

dopahar hijr ki tapti hui sar par hai khaDi

wasl ki raat ko shikwon mein na khoya jae

uljhe ab panja-e-wahshat na garebanon se

aaj use sina-a-ada mein gaDoya jae

ek hi ghunT sahi aaj to pi le zahid

kuchh na kuchh zohd ki KHushki ko samoya jae

jitne bhi dagh raunat ke hain dhul jaenge

hauz-e-mai mein tujhe shaiKH aaj Duboya jae