ishq pe tere etibar kiya

'ishq pe tere e'tibār kiyā

aur ye kaam baar baar kiyā

tujh ko rusvā kabhī na hone diyā

har daf'a ḳhud ko sharmsār kiyā

ham ne yādoñ kī oḌh lī hai ridā

dil ko vīrāñ sar-e-bahār kiyā

pahle to naaz hī uThā.e tire

phir tirā sog iḳhtiyār kiyā

tere dīdār kī talab na rahī

apnā har ḳhvāb taar taar kiyā

toḌ kar ik hasīñ ne 'ahd-e-vafā

ḳhush-numā qalb dāġhdār kiyā

maut ke baa'd bhī na dard miTe

tiir aisā jigar ke paar kiyā

'ishq pe tere e'tibar kiya

aur ye kaam bar bar kiya

tujh ko ruswa kabhi na hone diya

har daf'a KHud ko sharmsar kiya

hum ne yaadon ki oDh li hai rida

dil ko viran sar-e-bahaar kiya

pahle to naz hi uThae tere

phir tera sog iKHtiyar kiya

tere didar ki talab na rahi

apna har KHwab tar tar kiya

toD kar ek hasin ne 'ahd-e-wafa

KHush-numa qalb daghdar kiya

maut ke ba'd bhi na dard miTe

tir aisa jigar ke par kiya