itna batla mujhe harjai hun main yar ki tu

itnā batlā mujhe harjā.ī huuñ maiñ yaar ki tū

maiñ har ik shaḳhs se rakhtā huuñ sarokār ki tū

kam-sabātī mirī har dam hai muḳhātib ba-habāb

dekheñ to pahle ham us bahr se hoñ paar ki tū

nā-tavānī mirī gulshan meñ ye hī bahse hai

dekheñ ai nik.hat-e-gul ham haiñ subuk-bār ki tū

dostī kar ke jo dushman huā tū 'jur.at' kā

bevafā vo hai phir ai shoḳh sitamgār ki tū

itna batla mujhe harjai hun main yar ki tu

main har ek shaKHs se rakhta hun sarokar ki tu

kam-sabaati meri har dam hai muKHatib ba-habab

dekhen to pahle hum us bahr se hon par ki tu

na-tawani meri gulshan mein ye hi bahse hai

dekhen ai nikhat-e-gul hum hain subuk-bar ki tu

dosti kar ke jo dushman hua tu 'jurat' ka

bewafa wo hai phir ai shoKH sitamgar ki tu