aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

itna sannaTa hai basti mein ki Dar jaega

Qaisarul Jafri

itna sannaTa hai basti mein ki Dar jaega

Qaisarul Jafri

MORE BYQaisarul Jafri

    itnā sannāTā hai bastī meñ ki Dar jā.egā

    chāñd niklā bhī to chup-chāp guzar jā.egā

    kyā ḳhabar thī ki havā tez chalegī itnī

    saarā sahrā mire chehre pe bikhar jā.egā

    ham kisī moḌ pe ruk jā.eñge chalte chalte

    rāsta TuuTe hue pul pe Thahar jā.egā

    bādbānoñ ne jo ehsān jatāyā us par

    biich dariyā meñ vo kashtī se utar jā.egā

    chalte rahiye ki saf-e-ham-safarāñ lambī hai

    jis ko raste meñ Thaharnā hai Thahar jā.egā

    dar-o-dīvār pe sadiyoñ kohr chhā.ī hai

    ghar meñ sūraj bhī jo aayā to ThiThar jā.egā

    fan vo jugnū hai jo uḌtā hai havā meñ 'qaisar'

    band kar loge jo muTThī meñ to mar jā.egā

    itna sannaTa hai basti mein ki Dar jaega

    chand nikla bhi to chup-chap guzar jaega

    kya KHabar thi ki hawa tez chalegi itni

    sara sahra mere chehre pe bikhar jaega

    hum kisi moD pe ruk jaenge chalte chalte

    rasta TuTe hue pul pe Thahar jaega

    baadbanon ne jo ehsan jataya us par

    bich dariya mein wo kashti se utar jaega

    chalte rahiye ki saf-e-ham-safaran lambi hai

    jis ko raste mein Thaharna hai Thahar jaega

    dar-o-diwar pe sadiyon ki kohr chhai hai

    ghar mein suraj bhi jo aaya to ThiThar jaega

    fan wo jugnu hai jo uDta hai hawa mein 'qaisar'

    band kar loge jo muTThi mein to mar jaega

    Source:

    Agar Darya Mila Hota (Pg. 117)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now