jadu-e-KHwab mein kuchh aise giraftar hue
jādū-e-ḳhvāb meñ kuchh aise giraftār hue
bārish-e-sañg huī bhī to na bedār hue
jab the ḳhush-hāl bhale lagte the rishte ġham ke
ab vahī rishte mirī jaan kā āzār hue
jab talak paañv meñ vahshat thī junūñ meñ tāqat
na kisī saa.e meñ baiThe na kabhī ḳhaar hue
maiñ ne jab gulf meñ kuchh daulat-o-izzat paa.ī
ālam-e-fan bhī mire haq meñ razākār hue
jab khule naqd ke ausāf ba-faiz-e-naqdī
kuchh risāloñ ke editor bhī taraf-dār hue
vasl se jin ke hai maġhrib meñ qayāmat sī bapā
un hī louñDoñ ke liye 'mīr'-jī bīmār hue
goliyāñ chalne ko tayyār thiiñ pahle se 'na.īm'
ham to bas jhanDā uThāne ke gunahgār hue
jadu-e-KHwab mein kuchh aise giraftar hue
barish-e-sang hui bhi to na bedar hue
jab the KHush-haal bhale lagte the rishte gham ke
ab wahi rishte meri jaan ka aazar hue
jab talak panw mein wahshat thi junun mein taqat
na kisi sae mein baiThe na kabhi KHar hue
main ne jab gulf mein kuchh daulat-o-izzat pai
aalam-e-fan bhi mere haq mein razakar hue
jab khule naqd ke ausaf ba-faiz-e-naqdi
kuchh risalon ke editor bhi taraf-dar hue
wasl se jin ke hai maghrib mein qayamat si bapa
un hi lounDon ke liye 'mir'-ji bimar hue
goliyan chalne ko tayyar thin pahle se 'naim'
hum to bas jhanDa uThane ke gunahgar hue
Source:
Kulliyat-e-Hasan Naim (Pg. 232)
- Author: Ahmad Kafeel
-
- Edition: 2006
- Publisher: Qaumi Council Baraye Farogh-e-urdu Zaban
- Year of Publication: 2006
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
