جان لیوا ہے پیار کا سایہ
جان لیوا ہے پیار کا سایہ
آپ کے انتظار کا سایہ
اور دیتا ہے میرے غم کو ہوا
ہم نشیں غم گسار کا سایہ
ہو رہی ہے جو آج دل میں چبھن
پڑ گیا ہوگا خار کا سایہ
جنم دیتا ہے نور والوں کو
تیرگی کے حصار کا سایہ
درد بھر دے دلوں میں لوگوں کے
ہے ستم گر کہار کا سایہ
دور کر دے قریب والوں کو
برتری کے خمار کا سایہ
رخ بدل دے خزاں کے موسم کا
چھائے جب بھی بہار کا سایہ
نام روشن کرے زمانے میں
علم و فن کے نکھار کا سایہ
شخصیت کو ذلیل کرتا ہے
جھوٹے فن کے غبار کا سایہ
نور لائے ادب کی دنیا میں
بن کے سورج وقارؔ کا سایہ
مأخذ:
غزلستان برار (Pg. 235)
-
- ناشر: ساجد اردو پریس، اکولہ
- سن اشاعت: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
