jaan mein jaan tabhi qais ke bas aati hai
jaan meñ jaan tabhī qais ke bas aatī hai
nāqa-e-lailā kī jab bañg-e-jaras aatī hai
saath dekhūñ huuñ kisī ke jo kisī dilbar ko
maiñ bhī jī rakhtā huuñ mujh ko bhī havas aatī hai
qais o farhād ke rone kī jab aa jaatī hai lahar
koh-o-sahrā pe ghaTā jā ke baras aatī hai
zindagī hai to ḳhizāñ ke bhī guzar jā.eñge din
fasl-e-gul jītoñ ko phir agle baras aatī hai
jab qafas meñ the to thī yād-e-chaman ham ko 'hasan'
ab chaman meñ haiñ to phir yād-e-qafas aatī hai
jaan mein jaan tabhi qais ke bas aati hai
naqa-e-laila ki jab bang-e-jaras aati hai
sath dekhun hun kisi ke jo kisi dilbar ko
main bhi ji rakhta hun mujh ko bhi hawas aati hai
qais o farhad ke rone ki jab aa jati hai lahar
koh-o-sahra pe ghaTa ja ke baras aati hai
zindagi hai to KHizan ke bhi guzar jaenge din
fasl-e-gul jiton ko phir agle baras aati hai
jab qafas mein the to thi yaad-e-chaman hum ko 'hasan'
ab chaman mein hain to phir yaad-e-qafas aati hai
Source:
Deewan-e-Meer Hasan (Pg. 143)
- Author: Meer Hasan
-
- Edition: 1912
- Publisher: Munshi Nawal Kishor, Lucknow
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
