jaan-soz ghamon ka kahin izhaar nahin hai
jāñ-soz ġhamoñ kā kahīñ iz.hār nahīñ hai
zindāñ meñ bhī zanjīr kī jhankār nahīñ hai
har shaḳhs ke chehre pe hai kuchh aisī alāmat
jaise vo koī phuul hai talvār nahīñ hai
sab gahre samundar meñ khaḌe soch rahe haiñ
ham meñ koī sūraj kā parastār nahīñ hai
zaḳhmoñ kā lahū ho ki charāġhoñ kā ujālā
koī bhī mire shahr meñ bedār nahīñ hai
maiñ tujh se bichhaḌ kar yahī samjhā huuñ ki duniyā
dīvār to hai sāya-e-dīvār nahīñ hai
ḳhush-rañg zuleḳhāoñ ke bāzār meñ 'jāzib'
koī ġham-e-yūsuf kā ḳharīdār nahīñ hai
jaan-soz ghamon ka kahin izhaar nahin hai
zindan mein bhi zanjir ki jhankar nahin hai
har shaKHs ke chehre pe hai kuchh aisi alamat
jaise wo koi phul hai talwar nahin hai
sab gahre samundar mein khaDe soch rahe hain
hum mein koi suraj ka parastar nahin hai
zaKHmon ka lahu ho ki charaghon ka ujala
koi bhi mere shahr mein bedar nahin hai
main tujh se bichhaD kar yahi samjha hun ki duniya
diwar to hai saya-e-diwar nahin hai
KHush-rang zuleKHaon ke bazar mein 'jazib'
koi gham-e-yusuf ka KHaridar nahin hai
Source:
Shanasai (Pg. 78)
- Author: Jazib Qureshi
-
- Edition: 1994
- Publisher: Panjab Book House, Urdu Bazar, Karachi
- Year of Publication: 1994
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
