jari to ho sab ke liye farman-e-mohabbat

jaarī to ho sab ke liye farmān-e-mohabbat

kar dījiye dil se zarā ailān-e-mohabbat

is shaḳhs ko dukh-dard satātā bhī nahīñ hai

jis dil meñ rahā kartā hai īmān-e-mohabbat

āñkhoñ se badan se tirī zulfoñ kī mahak se

kartā huuñ maiñ din-rāt hī ai jān-e-mohabbat

kyā kījiye merā na huā jis ke liye maiñ

kartā rahā har moḌ pe sāmān-e-mohabbat

kuchh bhī nahīñ behtar hai zamāne meñ kahīñ par

duniyā meñ nahīñ kuchh bhī hai shāyān-e-mohabbat

mushkil haiñ bahut rāste nafrat ke ai bhaa.ī

ham sab ke liye sab se hai āsān mohabbat

un ke liye duniyā bhī vasī.a hotī hai 'fayyāz'

hotā hai vasī.a jin kā bhī dāmān-e-mohabbat

jari to ho sab ke liye farman-e-mohabbat

kar dijiye dil se zara ailan-e-mohabbat

is shaKHs ko dukh-dard satata bhi nahin hai

jis dil mein raha karta hai iman-e-mohabbat

aankhon se badan se teri zulfon ki mahak se

karta hun main din-raat hi ai jaan-e-mohabbat

kya kijiye mera na hua jis ke liye main

karta raha har moD pe saman-e-mohabbat

kuchh bhi nahin behtar hai zamane mein kahin par

duniya mein nahin kuchh bhi hai shayan-e-mohabbat

mushkil hain bahut raste nafrat ke ai bhai

hum sab ke liye sab se hai aasan mohabbat

un ke liye duniya bhi wasia hoti hai 'fayyaz'

hota hai wasia jin ka bhi daman-e-mohabbat