jate hue nahin raha phir bhi hamare dhyan mein

jaate hue nahīñ rahā phir bhī hamāre dhyān meñ

dekhī bhī ham ne machhliyāñ shīshe ke martabān meñ

pahle bhī apnī jholiyāñ jhaaḌ kar uTh ga.e the ham

aisī hī ek raat thī aisī hī dāstān meñ

saath za.iif baap ke lag ga.iiñ kām-kāj par

gahne chhupā ke laḌkiyāñ daadī ke pān-dān meñ

ghanTī bajā ke bhāgte bachchoñ ko thoḌī ilm hai

rahtā nahīñ hai koī bhī aadmī is makān meñ

ya.anī majāl kuchh nahīñ zarroñ ke ijtimā kī

ya.anī sabhī mah-o-nujūm ek hī ḳhāndān meñ

itnā bhī muḳhtalif nahīñ merā tumhārā tajraba

jaise ki tum muqīm ho aur kisī jahān meñ

jate hue nahin raha phir bhi hamare dhyan mein

dekhi bhi hum ne machhliyan shishe ke martaban mein

pahle bhi apni jholiyan jhaD kar uTh gae the hum

aisi hi ek raat thi aisi hi dastan mein

sath zaif bap ke lag gain kaam-kaj par

gahne chhupa ke laDkiyan dadi ke pan-dan mein

ghanTi baja ke bhagte bachchon ko thoDi ilm hai

rahta nahin hai koi bhi aadmi is makan mein

yani majal kuchh nahin zarron ke ijtima ki

yani sabhi mah-o-nujum ek hi KHandan mein

itna bhi muKHtalif nahin mera tumhaara tajraba

jaise ki tum muqim ho aur kisi jahan mein