jawedan qadron ki shaMein bujh gain to jal uThi taqdir-e-dil

jāvedāñ qadroñ kī sham.eñ bujh ga.iiñ to jal uThī taqdīr-e-dil

aaj is miTTī ke har zī-rūh zarre meñ bhī hai tasvīr-e-dil

apne dil kī raakh chun kar kaash in lamhoñ kī bahtī aag meñ

maiñ bhī ik sayyāl sho.ale ke varaq par likh sakūñ tafsīr-e-dil

maiñ na samjhā varna hañgāmoñ bharī duniyā meñ ik aahaT ke sañg

koī to thā aaj jis kā qahqaha dil meñ hai dāman-gīr-e-dil

rut badalte hī chaman chū ham-safīr ab ke bhī kosoñ duur se

aa ke jab is shāḳh par chahke mire dil meñ bajī zanjīr-e-dil

kyā safar thā be-sadā sadiyoñ ke pul ke us taraf us moḌ tak

pai-ba-pai ubhrā sunahrī gard se ik nāla-e-dil-gīr-e-dil

vaar duniyā ne kiye mujh par to 'amjad' maiñ ne is ghamsān meñ

apnā siina chiir kar rakh dī niyām-e-harf meñ shamshīr-e-dil

jawedan qadron ki shamen bujh gain to jal uThi taqdir-e-dil

aaj is miTTi ke har zi-ruh zarre mein bhi hai taswir-e-dil

apne dil ki rakh chun kar kash in lamhon ki bahti aag mein

main bhi ek sayyal shoale ke waraq par likh sakun tafsir-e-dil

main na samjha warna hangamon bhari duniya mein ek aahaT ke sang

koi to tha aaj jis ka qahqaha dil mein hai daman-gir-e-dil

rut badalte hi chaman chu ham-safir ab ke bhi koson dur se

aa ke jab is shaKH par chahke mere dil mein baji zanjir-e-dil

kya safar tha be-sada sadiyon ke pul ke us taraf us moD tak

pai-ba-pai ubhra sunahri gard se ek nala-e-dil-gir-e-dil

war duniya ne kiye mujh par to 'amjad' main ne is ghamsan mein

apna sina chir kar rakh di niyam-e-harf mein shamshir-e-dil