jab aap se hi guzar gae hum

jab aap se hī guzar ga.e ham

phir kis se kaheñ kidhar ga.e ham

kyā ka.aba o dair o kyā ḳharābāt

tū hī thā ġharaz jidhar ga.e ham

aa.e the misāl-e-sho.ala sargarm

jaate hue juuñ sharar ga.e ham

shabnam kī tarah se us chaman se

hote hī dam-e-sahar ga.e ham

kuchh apne ta.iiñ kiyā na ma.alūm

kyā aap se be-ḳhabar ga.e ham

juz hasrat-e-umr-e-rafta afsos

kuchh aa ke yahāñ na kar ga.e ham

shaiḳhī se guzar hue qalandar

bigḌe the par ab sañvar ga.e ham

is darja hue ḳharāb-e-ulfat

jī se apne utar ga.e ham

faiz us lab-e-īsvī kā 'hātim'

bil-aks huā ki mar ga.e ham

jab aap se hi guzar gae hum

phir kis se kahen kidhar gae hum

kya kaba o dair o kya KHarabaat

tu hi tha gharaz jidhar gae hum

aae the misal-e-shoala sargarm

jate hue jun sharar gae hum

shabnam ki tarah se us chaman se

hote hi dam-e-sahar gae hum

kuchh apne tain kiya na malum

kya aap se be-KHabar gae hum

juz hasrat-e-umr-e-rafta afsos

kuchh aa ke yahan na kar gae hum

shaiKHi se guzar hue qalandar

bigDe the par ab sanwar gae hum

is darja hue KHarab-e-ulfat

ji se apne utar gae hum

faiz us lab-e-iswi ka 'hatim'

bil-aks hua ki mar gae hum