jab amn ke aasar dekhte hain

jab amn ke āsār dekhte haiñ

māhaul sharar-bār dekhte haiñ

hai farz yahāñ kis pe shahryārī

sab apnī hī dastār dekhte haiñ

aa.ina to sab dekhte haiñ lekin

ham ā.ina-bardār dekhte haiñ

maiñ miil kā patthar huuñ mujh ko rahrav

muḌ muḌ ke ka.ī baar dekhte haiñ

jo log the badnām shahr bhar meñ

vo log bhī kirdār dekhte haiñ

vo haar meñ bhī sharmsār hai kab

ham jiit meñ bhī haar dekhte haiñ

hai ḳhuub 'suḳhan' ishq-e-nek-tīnat

ham ruuh ko sarshār dekhte haiñ

jab amn ke aasar dekhte hain

mahaul sharar-bar dekhte hain

hai farz yahan kis pe shahryari

sab apni hi dastar dekhte hain

aaina to sab dekhte hain lekin

hum aaina-bardar dekhte hain

main mil ka patthar hun mujh ko rahraw

muD muD ke kai bar dekhte hain

jo log the badnam shahr bhar mein

wo log bhi kirdar dekhte hain

wo haar mein bhi sharmsar hai kab

hum jit mein bhi haar dekhte hain

hai KHub 'suKHan' ishq-e-nek-tinat

hum ruh ko sarshaar dekhte hain