jab bhi farzanon ke hamrah chale hain hum log

jab bhī farzānoñ ke hamrāh chale haiñ ham log

Thokareñ khā ke har ik baar gire haiñ ham log

maslahat vaqt kī kuchh is meñ rahī hai shāyad

chalte chalte jo sar-e-rāh ruke haiñ ham log

qāfile kitne hī guzre haiñ idhar se phir bhī

gard kī tarah sar-e-rāh saje haiñ ham log

sirf kuchh der tirī bazm meñ hañsne ke liye

saiñkaḌoñ baar jale aur bujhe haiñ ham log

mom kī tarah pighal jaate haiñ āsānī se

jaane kis tarz ke sāñche meñ Dhale haiñ ham log

aaj sannāTā hai dariyā meñ har ik samt magar

jaane kyā soch ke sāhil pe khaḌe haiñ ham log

mausam-e-aish ho yā ranj kā aalam ho 'kamāl'

ya.anī har haal meñ ḳhush-hāl rahe haiñ ham log

jab bhi farzanon ke hamrah chale hain hum log

Thokaren kha ke har ek bar gire hain hum log

maslahat waqt ki kuchh is mein rahi hai shayad

chalte chalte jo sar-e-rah ruke hain hum log

qafile kitne hi guzre hain idhar se phir bhi

gard ki tarah sar-e-rah saje hain hum log

sirf kuchh der teri bazm mein hansne ke liye

sainkaDon bar jale aur bujhe hain hum log

mom ki tarah pighal jate hain aasani se

jaane kis tarz ke sanche mein Dhale hain hum log

aaj sannaTa hai dariya mein har ek samt magar

jaane kya soch ke sahil pe khaDe hain hum log

mausam-e-aish ho ya ranj ka aalam ho 'kamal'

yani har haal mein KHush-haal rahe hain hum log