jab dur hain tujhse to ye uftad bhi aae

jab duur haiñ tujh se to ye uftād bhī aa.e

tūfān-e-shab-e-dasht meñ tū yaad bhī aa.e

hairān hai is baat pe amboh-e-āsīrāñ

par khulne kī taqrīb meñ sayyād bhī aa.e

haare hue lashkar kā alam gir bhī chukā hai

ab kyā jo kisī samt se imdād bhī aa.e

ik umr huī nazr-e-ḳharābāt hamārī

sad-shukr sar-e-qarya-e-ābād bhī aa.e

ik bū ki baġhal-gīr huī dasht meñ ham se

jaise yahāñ pahle kabhī ajdād bhī aa.e

jab dur hain tujh se to ye uftad bhi aae

tufan-e-shab-e-dasht mein tu yaad bhi aae

hairan hai is baat pe amboh-e-asiran

par khulne ki taqrib mein sayyaad bhi aae

haare hue lashkar ka alam gir bhi chuka hai

ab kya jo kisi samt se imdad bhi aae

ek umr hui nazr-e-KHarabaat hamari

sad-shukr sar-e-qarya-e-abaad bhi aae

ek bu ki baghal-gir hui dasht mein hum se

jaise yahan pahle kabhi ajdad bhi aae