jab ki be-parda tu hua hoga
jab ki be-parda tū huā hogā
maah parde se tak rahā hogā
kuchh hai surḳhī sī aaj palkoñ par
qatra-e-ḳhūñ koī bahā hogā
mere naame se ḳhuuñ Tapaktā thā
dekh kar us ne kyā kahā hogā
ghūrtā hai mujhe vo dil kī mire
merī nazroñ se pā gayā hogā
yahī rahtā hai ab to dhyān mujhe
vaañ se qāsid mirā chalā hogā
jis ghaḌī tujh ko kunj-e-ḳhalvat meñ
pā ke tanhā vo aa gayā hogā
'mus.hafī' us ghaḌī maiñ hairāñ huuñ
tujh se kyūñkar rahā gayā hogā
jab ki be-parda tu hua hoga
mah parde se tak raha hoga
kuchh hai surKHi si aaj palkon par
qatra-e-KHun koi baha hoga
mere name se KHun Tapakta tha
dekh kar us ne kya kaha hoga
ghurta hai mujhe wo dil ki mere
meri nazron se pa gaya hoga
yahi rahta hai ab to dhyan mujhe
wan se qasid mera chala hoga
jis ghaDi tujh ko kunj-e-KHalwat mein
pa ke tanha wo aa gaya hoga
'mushafi' us ghaDi main hairan hun
tujh se kyunkar raha gaya hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
