jab ki sar par wabaal aata hai

jab ki sar par vabāl aatā hai

pech meñ baal baal aatā hai

kab payām-e-visāl aatā hai

ḳhvāb hai jo ḳhayāl aatā hai

teġh-e-irfāñ se ruuh bismil hai

haal par apne haal aatā hai

shal hai har chand panja-e-mizgāñ

par kalejā nikāl aatā hai

kyā ajab ishq ho jo piirī meñ

duudh meñ bhī ubaal aatā hai

ḳhuub chaltī hai naav kāġhaz kī

ghar meñ qaazī ke maal aatā hai

Dher hai dil meñ ab kudūrat kā

miTTī lene kalāl aatā hai

chal nikaltī hai kashtī-e-a.amāl

araq-e-infi.āl aatā hai

hijr ke din yuuñ hī guzarte haiñ

maah jaate haiñ saal aatā hai

tere āñkhoñ ke sāmne sayyād

zab.h hone ġhazāl aatā hai

jis ne us kī galī meñ phal paayā

khā ke patthar nihāl aatā hai

sar kaTā kar shahīd hote haiñ

umr kho kar kamāl aatā hai

na milegā sivā muqaddar se

jehl hai jā malāl aatā hai

bahr-e-zar gul hai palla-e-mīzāñ

til ke kāñTe pe maal aatā hai

'bahr' kī sun ke ārifāna ġhazal

shāh-e-dariyā ko haal aatā hai

jab ki sar par wabaal aata hai

pech mein baal baal aata hai

kab payam-e-visal aata hai

KHwab hai jo KHayal aata hai

tegh-e-irfan se ruh bismil hai

haal par apne haal aata hai

shal hai har chand panja-e-mizgan

par kaleja nikal aata hai

kya ajab ishq ho jo piri mein

dudh mein bhi ubaal aata hai

KHub chalti hai naw kaghaz ki

ghar mein qazi ke mal aata hai

Dher hai dil mein ab kudurat ka

miTTi lene kalal aata hai

chal nikalti hai kashti-e-amal

araq-e-infial aata hai

hijr ke din yun hi guzarte hain

mah jate hain sal aata hai

tere aankhon ke samne sayyaad

zabh hone ghazal aata hai

jis ne us ki gali mein phal paya

kha ke patthar nihaal aata hai

sar kaTa kar shahid hote hain

umr kho kar kamal aata hai

na milega siwa muqaddar se

jehl hai ja malal aata hai

bahr-e-zar gul hai palla-e-mizan

til ke kanTe pe mal aata hai

'bahr' ki sun ke aarifana ghazal

shah-e-dariya ko haal aata hai