jab ki zulf uski gale kha bal paDi

jab ki zulf us kī gale khā bal paḌī

lashkar-e-ushshāq meñ halchal paḌī

chitvanoñ nīche kise aañkh aap kī

taktī hai palkoñ ke yuuñ ojhal paḌī

aah kaalī raat hijrāñ kī phañsī

kartī hai kākul hī meñ kal kal paḌī

kal jo mad.h o zam thī sāñch aur jhuuT kī

vo phabī ham par ye tum par Dhal paḌī

sho.ala-ḳhūī soch terī aaj tak

paktī hai chhātī mirī khal khal paḌī

aah bas siine meñ vo rusvā na kar

sham.a-sāñ fānūs meñ ab jal paḌī

dostī us ne jo mujh se garm kī

dushmanoñ ko 'azfarī' kuchh jhal paḌī

jab ki zulf us ki gale kha bal paDi

lashkar-e-ushshaq mein halchal paDi

chitwanon niche kise aankh aap ki

takti hai palkon ke yun ojhal paDi

aah kali raat hijran ki phansi

karti hai kakul hi mein kal kal paDi

kal jo madh o zam thi sanch aur jhuT ki

wo phabi hum par ye tum par Dhal paDi

shoala-KHui soch teri aaj tak

pakti hai chhati meri khal khal paDi

aah bas sine mein wo ruswa na kar

shama-san fanus mein ab jal paDi

dosti us ne jo mujh se garm ki

dushmanon ko 'azfari' kuchh jhal paDi