aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jab tak khuli nahin thi asrar lag rahi thi

Alam Khursheed

jab tak khuli nahin thi asrar lag rahi thi

Alam Khursheed

MORE BYAlam Khursheed

    jab tak khulī nahīñ thī asrār lag rahī thī

    ye zindagī mujhe bhī dushvār lag rahī thī

    mujh par jhukī huī thī phūloñ ek Daalī

    lekin vo mere sar par talvār lag rahī thī

    chhūte jaane kaise qadmoñ meñ aa girī vo

    jo fāsle se ūñchī dīvār lag rahī thī

    shahroñ meñ aa ke kaise āhista-rau huā maiñ

    sahrā meñ tez apnī raftār lag rahī thī

    lahroñ ke jāgne par kuchh bhī na kaam aa.ī

    kyā chiiz thī jo mujh ko patvār lag rahī thī

    ab kitnī kār-āmad jañgal meñ lag rahī hai

    vo raushnī jo ghar meñ bekār lag rahī thī

    TuuTā huā hai shāyad vo bhī hamāre jaisā

    āvāz us jaise jhankār lag rahī thī

    'ālam' ġhazal meñ Dhal kar kyā ḳhuub lag rahī hai

    jo Tiis mere dil āzār lag rahī thī

    jab tak khuli nahin thi asrar lag rahi thi

    ye zindagi mujhe bhi dushwar lag rahi thi

    mujh par jhuki hui thi phulon ki ek Dali

    lekin wo mere sar par talwar lag rahi thi

    chhute hi jaane kaise qadmon mein aa giri wo

    jo fasle se unchi diwar lag rahi thi

    shahron mein aa ke kaise aahista-rau hua main

    sahra mein tez apni raftar lag rahi thi

    lahron ke jagne par kuchh bhi na kaam aai

    kya chiz thi jo mujh ko patwar lag rahi thi

    ab kitni kar-amad jangal mein lag rahi hai

    wo raushni jo ghar mein bekar lag rahi thi

    TuTa hua hai shayad wo bhi hamare jaisa

    aawaz us ki jaise jhankar lag rahi thi

    'alam' ghazal mein Dhal kar kya KHub lag rahi hai

    jo Tis mere dil ka aazar lag rahi thi

    RECITATIONS

    Alam Khursheed

    Alam Khursheed,

    Alam Khursheed

    jab tak khuli nahin thi asrar lag rahi thi Alam Khursheed

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now