jab tera husn-e-nazar yaad aaya

jab tirā husn-e-nazar yaad aayā

apnā dil apnā jigar yaad aayā

aisā mad.hosh kiyā saaqī ne

dasht yaad aayā na ghar yaad aayā

tum bhulāte to ho dīvāne ko

phir bhī dīvāna agar yaad aayā

tere altāf-o-karam ke qurbāñ

tū mujhe shām-o-sahar yaad aaya

sū-e-mai-ḳhāna chalā rind-e-ḳharāb

phir koī mast-e-nazar yaad aayā

jab milā chāk-e-girebāñ koī

tere jalvoñ kā asar yaad aayā

dekh kar shahr-e-ḳhamoshāñ aksar

apnī hastī kā safar yaad aayā

hāl-e-dil aap ne pūchhā to sahī

shukr hai banda-e-dar yaad aayā

dekh kar husn-e-jahāñ ai 'sādiq'

mujh ko vo ā.ina-gar yaad aayā

jab tera husn-e-nazar yaad aaya

apna dil apna jigar yaad aaya

aisa madhosh kiya saqi ne

dasht yaad aaya na ghar yaad aaya

tum bhulate to ho diwane ko

phir bhi diwana agar yaad aaya

tere altaf-o-karam ke qurban

tu mujhe sham-o-sahar yaad aaya

su-e-mai-KHana chala rind-e-KHarab

phir koi mast-e-nazar yaad aaya

jab mila chaak-e-gireban koi

tere jalwon ka asar yaad aaya

dekh kar shahr-e-KHamoshan aksar

apni hasti ka safar yaad aaya

haal-e-dil aap ne puchha to sahi

shukr hai banda-e-dar yaad aaya

dekh kar husn-e-jahan ai 'sadiq'

mujh ko wo aaina-gar yaad aaya