jab tujhe mimbar-e-yaqut kaTahra hua tha

jab tujhe mimbar-e-yāqūt kaTahrā huā thā

maiñ sar-e-arsh tire sāmne Thahrā huā thā

yūñhī bekār ga.e saare hakīmoñ ke ilaaj

zaḳhm-e-tafhīm ḳhurāfāt se gahrā huā thā

terī āvāz qayāmat meñ bhī pahchān gayā

go ki maiñ sūr-e-sarāfīl se bahrā huā thā

jo shajar sāya-e-ashjār meñ the jal ga.e the

dhuup sah sah ke mirā khet sunahrā huā thā

ātish-e-shauq tanāsub meñ usī darja thī tez

jis qadar terī mulāqāt pe pahrā huā thā

jab tujhe mimbar-e-yaqut kaTahra hua tha

main sar-e-arsh tere samne Thahra hua tha

yunhi bekar gae sare hakimon ke ilaj

zaKHm-e-tafhim KHurafat se gahra hua tha

teri aawaz qayamat mein bhi pahchan gaya

go ki main sur-e-sarafil se bahra hua tha

jo shajar saya-e-ashjar mein the jal gae the

dhup sah sah ke mera khet sunahra hua tha

aatish-e-shauq tanasub mein usi darja thi tez

jis qadar teri mulaqat pe pahra hua tha