jab wo surat nazar nahin aati

jab vo sūrat nazar nahīñ aatī

kab mirī aañkh bhar nahīñ aatī

kū-e-dil-dār se nasīm-e-sahar

aatī hai jab idhar nahīñ aatī

kyā huā soz-e-ġham ki ashkoñ se

bū-e-dāġh-e-jigar nahīñ aatī

huur se kyā milegā dil vaa.iz

yaañ tabī.at agar nahīñ aatī

maut ko bhī ḳhabar nahīñ shāyad

ki vahāñ se ḳhabar nahīñ aatī

zindagī yā to hai vabāl koī

yā mujhī ko ye kar nahīñ aatī

shab-e-hijrāñ vo shab hai jis ke ba.ad

tā-qayāmat sahar nahīñ aatī

shab-e-furqat kī dāstāñ hai tavīl

niiñd al-muḳhtasar nahīñ aatī

hai tabī.at tirī rasā 'mahrūm'

tujh ko urdu magar nahīñ aatī

jab wo surat nazar nahin aati

kab meri aankh bhar nahin aati

ku-e-dil-dar se nasim-e-sahar

aati hai jab idhar nahin aati

kya hua soz-e-gham ki ashkon se

bu-e-dagh-e-jigar nahin aati

hur se kya milega dil waiz

yan tabiat agar nahin aati

maut ko bhi KHabar nahin shayad

ki wahan se KHabar nahin aati

zindagi ya to hai wabaal koi

ya mujhi ko ye kar nahin aati

shab-e-hijran wo shab hai jis ke baad

ta-qayamat sahar nahin aati

shab-e-furqat ki dastan hai tawil

nind al-muKHtasar nahin aati

hai tabiat teri rasa 'mahrum'

tujh ko urdu magar nahin aati