jabin pe dhup si aankhon mein kuchh haya si hai
jabīñ pe dhuup sī āñkhoñ meñ kuchh hayā sī hai
tū ajnabī hai magar shakl āshnā sī hai
ḳhayāl hī nahīñ aatā kisī musībat kā
tire ḳhayāl meñ har baat ġham-rubā sī hai
jahāñ meñ yuuñ to kise chain hai magar pyāre
ye tere phuul se chehre pe kyuuñ udāsī hai
dil-e-gamīñ se bhī jalte haiñ shādmān-e-hayāt
usī charāġh kī ab shahr meñ havā sī hai
hamīñ se aañkh churātā hai us kā har zarra
magar ye ḳhaak hamāre hī ḳhuuñ kī pyāsī hai
udaas phirtā huuñ maiñ jis kī dhun meñ barsoñ se
yūñhī sī hai vo ḳhushī baat vo zarā sī hai
chahakte bolte shahroñ ko kyā huā 'nāsir'
ki din ko bhī mire ghar meñ vahī udāsī hai
jabin pe dhup si aankhon mein kuchh haya si hai
tu ajnabi hai magar shakl aashna si hai
KHayal hi nahin aata kisi musibat ka
tere KHayal mein har baat gham-ruba si hai
jahan mein yun to kise chain hai magar pyare
ye tere phul se chehre pe kyun udasi hai
dil-e-gamin se bhi jalte hain shadman-e-hayat
usi charagh ki ab shahr mein hawa si hai
hamin se aankh churaata hai us ka har zarra
magar ye KHak hamare hi KHun ki pyasi hai
udas phirta hun main jis ki dhun mein barson se
yunhi si hai wo KHushi baat wo zara si hai
chahakte bolte shahron ko kya hua 'nasir'
ki din ko bhi mere ghar mein wahi udasi hai
Source:
Kulliyaat-e-Nasir Kazmi (Pg. 278)
- Author: Nasir Kazmi
-
- Edition: 1957
- Publisher: Nasir Kazmi
- Year of Publication: 1957
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.