aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jahan ko wo lab-e-mai-gun KHarab rakhte hain

Qayem Chaandpuri

jahan ko wo lab-e-mai-gun KHarab rakhte hain

Qayem Chaandpuri

MORE BYQayem Chaandpuri

    jahāñ ko vo lab-e-mai-gūñ ḳharāb rakhte haiñ

    ḳhudā ḳhabar ki ye kaisī sharāb rakhte haiñ

    ik āb-o-tāb mah o āftāb rakhte haiñ

    pa rū-kashī tirī kab vo taab rakhte haiñ

    zahe ḳhasāsat-e-ahl-e-jahāñ ki misl-e-guhar

    girah meñ bāñdh ke dariyā meñ aab rakhte haiñ

    kis e'tibār pe diije butāñ ko dil ki ba-zor

    jo kuchh ki leñ haiñ kisī se ye daab rakhte haiñ

    zabān-e-ishq shikāyat se laal hai varna

    ham ik gila ke tire sau javāb rakhte haiñ

    na laT dhueñ hai aisī na zulf sumbul

    jo baal sar ke tire pech-o-tāb rakhte haiñ

    habāb o bahr meñ hājib vajūd hai ham aah

    mileñ kab us se ye jab tak hijāb rakhte haiñ

    liyā hai ham ne bhī bosa diyā hai us ko jo dil

    ye sach hai dost diloñ meñ hisāb rakhte haiñ

    na kyuuñ izaar mohrī shaiḳh-jī leñ

    surīñ jo bahr-e-vazū daab daab rakhte haiñ

    na jaane jaate haiñ juuñ sho.ala ham kidhar 'qā.em'

    ki har dam ek nayā iztirāb rakhte haiñ

    jahan ko wo lab-e-mai-gun KHarab rakhte hain

    KHuda KHabar ki ye kaisi sharab rakhte hain

    ek aab-o-tab mah o aaftab rakhte hain

    pa ru-kashi ki teri kab wo tab rakhte hain

    zahe KHasasat-e-ahl-e-jahan ki misl-e-guhar

    girah mein bandh ke dariya mein aab rakhte hain

    kis e'tibar pe dije butan ko dil ki ba-zor

    jo kuchh ki len hain kisi se ye dab rakhte hain

    zaban-e-ishq shikayat se lal hai warna

    hum ek gila ke tere sau jawab rakhte hain

    na laT dhuen ki hai aisi na zulf sumbul ki

    jo baal sar ke tere pech-o-tab rakhte hain

    habab o bahr mein hajib wajud hi hai hum aah

    milen kab us se ye jab tak hijab rakhte hain

    liya hai hum ne bhi bosa diya hai us ko jo dil

    ye sach hai dost dilon mein hisab rakhte hain

    na kyun izar ki mohri hi shaiKH-ji si len

    surin jo bahr-e-wazu dab dab rakhte hain

    na jaane jate hain jun shoala hum kidhar 'qaem'

    ki har dam ek naya iztirab rakhte hain

    Source:

    Deewan-e-Qaem Chandpuri (Rekhta Website) (Pg. 91)

      • Edition: 1963
      • Publisher: Jamal Printing Press, Delhi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now